आ) भाशे ज्ञान
1. काळजांत कळ उदेवप – दूख भोवप
2. फुलां माळप – आपलें काम जावपाखातीर दुस-यांक फुलोवप
3. हाता पायांक गुळे य़ेवप – सामको भियेवप
4. सपनांचेर उदक पडप – इत्सा पुराय जावप ना
5. राजी नासप – तयार नासप
6. खोशयेन शीम मेर नासप – सुमाराभायर खोस जावप
इ) सकयल दिल्ल्या दरेका प्रश्नाची जाप 8 -9 उतरांनी बरयात.
प्र1. बालकनीत उबो राविल्लेकडेन विवेकान कितें पळयलें ?
जाप. बालकनीत उबो रविल्लेकडेन विवेकान पळयले सुरेखा रघूक आदाराक घेवन घराकुशीचे बागेंत कवाथो शेयतालें.
प्र2. विवेक सकाळसावन कसल्या चितनांची घुस्पल्लो ?
जाप. विवेक सकाळसावन वेदान सांगिल्ली जबाबदारी कशी निभरलों ह्या चिंतनाली घुसपल्लो.
प्र3. सुरेखा तरनाट्यांक कसल्या गजालींचो विसर पडला अशें लेखिकेक दिसता ?
जाप. आयचे तरणाटे विदेशांतल्या लठ्ठ पगाराक आनी सूख – सविधांक भुलून आपल्या घरां आपली आवय – बापूय वाट पळयता ह्या गजालींचो विसर पडला अशें दिसता.
प्र4. सुरेखा कोणाचे वाटेक दोळे लावन बशिल्लें ?
जाप. सुरेखा वेद गोंयांत येवपाच्या वाटेक दोळे लावन बशिल्लें.
प्र5. सुरेखा बाजारांतली भाजी – फळां हाडपाक कित्याक तयार नाशिल्लें ?
जाप. बाजारांतल्या सगळ्यां भाजया – फळांचेर रसायना शिपडिल्लीं आसता. ताजे अशें कांयच मेळना. ते खावन दुयेसां जातात म्हूण सुरेखा बाजारांतली भाजी – फळां हाडपाक तयार नाशिल्लें.
ई) आदारीत प्रश्न
प्र1. भायले वातावरण कशें दिसताले ?
जाप. भायले वातावरण प्रसन्न दिसताले.
प्र2. सुरेखान फार्मातल्यान कितें हाडिल्लें ?
जाप. सुरेखान फार्मातल्यान मलेशियन जातीचो कवाथो हाडिल्लो.
प्र3. वेद कसलो सर्जन जाल्लो ?
जाप. वेद काडियाक सर्जन जाल्लो.
प्र4. विवेक आनी सुरेखान कसली सपनां रगयिल्ली ?
जाप. वेद भारतात येतलो. हागां आपले व्हडलें हॉस्पिटल उगडटलो, हांगाच्या लोकांक ताचो फायदो जातलो, एक नामनेचो काळजाचो दोतोर म्हूण पुराय भारतात नामना जातली. ताच्या हातांतल्यान देशाची सेवा घडटली सपनां विवेक आनी सुरेखान रंगयिल्ली.
प्र5. खंयची खबर आय़कून सुरेखान पोरसांत कवाथ्या म्ह-यांत धावलें ?
जाप. वेद गोंयांत परत येता ही खबर आयकून सुरेखान पोरसांत कवाथ्या म्ह-यांत धावलें.
उ) सकयल दिल्ल्या दरेका प्रश्नाची जाप 40-45 उतरांनी बरयात.
1. सुरेखान हाडून घेतिल्ल्या कवाथ्याचें खाशेलेपण कितें आसलें ?
जाप. सुरेखान हाडून घेतिल्लो कवाथो मलेशियन जातीचो आशिल्लो. तो कवाथो तीन वर्साभितर लागपाचो. ताचो एक एक नाल्ल कळशायेदो जाता. हें खाशेलेपण आसलें.
2. सुरेखाची झाडांविशीची आपुलकाय कशेतरेन दिसून येता ?
जाप. सुरेखान आपणाल्या बंगल्या भोंवतणचे जमनीर फार्मूच तयार केल्लें. तातून गुलाबासाकून आबोल्यांममेरेन आनी आंब्यासाकून जगमीमेरेन तरेकवा झाडां रोयिल्ली. तरेकवार भाजररोय रोयिल्ल्यो. तें स्वता मानायाबराबर पोरसांत वावूरतालें. सारें उदक घालतालें. भुरग्यांसारकीच पोरसाची जतनाय घेतालें. झाडांकडेन अपूरबायेन उलयतालें. तांचेखातीर घर सोडून एक रात लेगीत खंयच रावनाशिल्लें.
3. वेदाचे आवय बापूय कसलीं सपनां बाळगून आशिल्लें?
जाप. वेद भारतात परत येतलो, हांगा आपलें व्हडलें हॉस्पिटल उगडतलो, हांगाच्या लोकांक ताचो फायदो जातलो. एक नामनेचो काळजाचो दोतोर अशी ताची गोंयातूय न्हय तर पुराय भारतांत नामना जातली, ताच्या हातांतल्यान आमच्या देशांची सेवा घडटली अशी सपनां आवय बापूय बाळगून आशिल्लें.
4. वेदान आपल्या बापायचेर कसली जापासलदारकी सोंपयल्ली ?
जाप. वेदान बापायक सांगिल्लें, म्हाका ग्रीन कार्ड मेळ्ळां. हांव आतां अमेरिकेंतूच स्थायीक जावक सोदतां. हागां म्हाका खूब संदी आसातत ही खबर आवयक सांगपाची जापसालदारकी वेदान आपल्या बापायचेर सोंपयल्ली.
5. शिकपी भुरग्यांची देशाविशीं लागणूक कित्याक आसूक जाय अशें तुमकां दिसता
जाप. शिकपी भुरगीं देशाचो स्तंभ आसता. आपल्या गिन्यानाचो देशाक लाव लावचो म्हूण त्यांच्यानी यत्न करुंक जाय. देशाभायर वचून शिक्षण घेवपाखातीर देशान केल्ल्या खर्चाची परतफेत करूंक जाय. आपणाल्या आवय बापायविशींची लागणूक आनी देशाविशींच्या कर्तव्याचो विसर पडूक जाय ना.
ऊ) आदारीत प्रश्न
1. लेखिकेन सांजवेळाचे वर्णन कशें केला ?
जाप. सांजवेळचीं तीन वरां जाल्ली. निकतीच पावसाची एक शेन येवन गेल्ली. श्रावण म्हयनो आशिल्यान वताची भांगराळी किर्णा धर्तरेचेर पातळिल्ली. भायले वातावरण प्रसन्न दिसताले. अशें तरेन लेखिकेन सांजवेळाचे वर्णन केला.
2. वेद कार्डियाक सर्जन जाल्लो हाचे श्रेय विवेकान सुरेखाक कित्याक दिलें ?
जाप. वेद कार्डियाक सर्जन जाल्लो. ताका जल्म दिसपा सावन ल्हानाचो व्हड करपाचे सगळें कश्ट सुरेखानूच काडिल्ले. ताचो अभ्यास शिक्षण सगळे तेच पळयतालें इल्ल्यांश्या कवाथ्यावरी ते ताची जतनाय घेताले. म्हूण हाचें सगळे श्रेय विवेकान सुरेखाक दिलें.
ए) कोणे कोणाक म्हणल्यांत ते बरयात.
1. “म्हाका आतां ग्रीन कार्ड मेळ्ळां”
जाप. वेदान विवेकाक म्हळें.
2. “हांव फाल्यां सकाळीं गोंयात पावतां”
जाप. वेदान विवेकाक म्हळें.
3. “कितें ! म्हजो वेद येता ?”
जाप. सुरेखान विवेकाक म्हळें.
4. “देवादयेन आमकां पयशांचो कांयच उणाव ना !”
जाप. विवेकान सुरेखाक म्हळें.
5. “आयजकाल बाजारांत ताजें अशें कितें मेळटा ?”
जाप. सुरेखान विवेकाक म्हळें.