आ) सकयल दिल्ल्या प्रश्नाच्यो जापो एका एका वाक्यांत बरयात.
1. कवी मळबाकडेन कितें मागता ?
जाप. आपणाली उंचाय मनशाक दी म्हणल्यार आपणालो बरो सभाव मनशांक शिकय अशें कवी मळबाकडेन मागता.
2. व्हांवत्यो न्हंयो आमकां कितें दितात ?
जाप. व्हांवत्यो न्हंयो आमकां हांसपाक शिकयतात आनी नितळ उदक दितात.
3. धरतरेचो सभाव कसो आसा ?
जाप. धरतरेचो सभाव सोसणिकायेचो आसा.
4. झाडांकडेन कसले गूण आसात ?
जाप. दुस-याचेय भुकेची पर्वा करपाचो गूण झाडांकडेन आसात.
5. फूल संवसाराक कितें शिकयता ?
जाप. वेगळेचार करिनासताना सगळ्यांचेर सारको मोग करचो आनी सगळ्यांक खोशी करचे ही शिकवण फूल संवसाराक दिता.
ई) सकयल दिल्ल्या प्रश्नाच्यो जापो 2-3 वाक्यांत बरयात.
प्र1. कवी आपल्या पेल्याच्या काळजांत कितें रुजोवंक मागता ?
जाप. कसल्याच फळांची अपेक्षा करिनासताना सैम मनशांक भरभरुन दिता. सैमान हो गूण पेल्याच्या काळजांत रुजोवचो अशें कवी मागता.
प्र2. कवी अग्नीलागीं कसली मागणी करता ?
जाप. वायट तितलें लासून पवित्र करपाची शक्ती अग्नींत आसा. ती शक्ती सगळ्या मनशांक दिवची अशीं मागणी कवी अग्नीलागीं करता.
प्र3. मागणें हें कवितेतल्यान कवी कितें सागूंक सोदता ?
जाप. सैमाकडेन जायते बरे गूण आसात. ते गूण मनशांन आपणायले जाल्यार सगलो संवसार सुखी जातलो अशें कवी मागणें हें कवितेतल्यान सागूंक सोदता.