आ) सकयल दिल्ल्या प्रश्नाच्यो जापो एका – एका वाक्यांत बरयात.
प्र1. हिमालयाच्या धव्या दोंगरार कवीक कसलो देखाव दिसता ?
जाप. हिमालयाच्या धव्या दोंगरार कवीक व्हांवत्या रकताचे तांबडे पाट दिसतात.
प्र2. वांकडो – तांबडो हात कोणालो ?
जाप. चीनी प्रधानमंत्री चौ एन लायाचो वांकडो-तांबडो हात.
प्र3. स्वतंत्रताय आमचे कडेन परतून कितें मागता ?
जाप स्वतंत्रताय आमचे कडेन परतून आपणालो जगपाचो हक्क मागता.
प्र4. गळ्या भोंवतणीं पास पडचें आदी कितें करुंक जाय ?
जाप गळ्या भोंवतणीं पास पडचें आदी तो पास तोडून उडोवंक जाय.
इ) सकयल दिल्ल्या प्रश्नाच्यो जापो दोन – तीन वाक्यांनी बरयात.
प्र1. ‘निळें – नितळ मळब’ ही कवी कल्पना तुमच्या उतरांनी बरयात.
जाप. ‘निळें मळब’ म्हणल्यार मोगान भरिल्लें मन. भारतीयांच्या काळजांत चीना विशीं सदांच मोग आसा मळबा इतलो खोल आनी नितळ मोग.
प्र2. झुजाक परतून सुरवात जाल्या हें कवितेतल्या खंयच्याक वळीनीं कळटा ?
जाप. ‘झुजा – धोलार आयज बडी ताणशेता’, ‘परतून तरसाद नाचता’, ‘परतून तुबकाक फुटला आवाज’, ‘हिमालय पेट्टा’ ही झुजाचें चित्र उबें करपी उतरां. ह्या वळीतल्यान झुजाक परतून सुरवात जाल्या अशें कळटा.
प्र3. हिमालय कित्याक लागून पेट्टा ?
जाप. तुबकां, नाळी, बॉम, हातबॉम हांचो फारपेट हिमालयांत चल्ला. पळयत थंय दारवाचो उजो आनी धुंवर दिसता. देखून हिमालय पेट्टा अशें कवी म्हणटा.