क) सकयल दिल्ल्या दरेका प्रश्नाची जाप ८ ते १० उतरांनी बरयात.
अ) दर एकल्याक पावसाविशीं कितें दिसता ?
जाप. दर एकल्याक पावसाविशीं दिसता की पावस आपणाल्या पोशांतच पडचो.
आ) कवी खंयचे गजालीक सैमाचें देणें अशें म्हणटा ?
जाप. कवी पावसाक सैमाचें देणें अशें म्हणटा.
इ) झोमून घेवप म्हणजे कितें ?
जाप. झोमून घेवप म्हणजे बळजबरी. कोणाकडल्यान कसलीय वस्त झगडून घेवप.
ई) पावस कोणाखातीर पडटा ?
जाप. पावस सगळ्यांखातीर पडटा तो कसलोच भेदभाव करिनासतना अनवळखी मनशाक लेगीत मोग दाखयता.
उ) मनशाक नसाय केन्ना जाता ?
जाप. हेराल्या पोशांत घसघसून पावस पडल्यार, म्हणल्यार दुस-याच्या सुखाची मनशाक नसाय जाता.
ख) सकयल दिल्ल्या दरेका प्रश्नाची जाप १५ ते २० उतरांनी बरयात.
अ) पावसाचो सभाव कसो आसता ?
जाप. पावस हें सैमाचें एक सुंदर रूप. पावस आपल्या उदकान सबंद धर्तरेची तान भागयता. अशे करताना तो कसलेच तरेचो भेदभाव करिना ताची वाट नितळ आसता. कोणूच बळजबरीन आपल्या पोशांतच पावस झोमून घेवंक शकना.
आ) पावस कवितेंत मनशाचो सुवार्थ दाखोवपी खंयच्यो वळी आयल्यात ?
जाप. पावस कवितेंत मनशाचो सुवार्थ दाखोवपी वळी आयल्यात त्यो म्हणल्यार, “ हेरांल्या पोशांत घसघसून पावस पडल्यार ताची आमकां कित्याक जावची नसाय” ह्यो वळी मनीस दुस-यच्या सुखाचो कसो दुस्वास करता ते सांगता.
स्वाध्यायः-
१) ‘पावस’ ह्या विशयावेल्यो विंगड विंगड भाशांतल्यो १० ते १२ कविता एकठांय करात आनी ताचें वणटीपत्रक तयार करात.
२) ‘पावस – म्हज्या भुरगेपणांतलो’ ह्या विशयाचेर निबंद बरयात.