आदारीत प्रस्नः
1. तरणाटे कितें करताले?
जापः तरणाटे रस्तयाकुशीच्या खांब्यावयले बल्ब फोडटाले.
2. तो ‘वाट चुकला’ म्हणटकच जाणटेल्याक कितें दिसलें?
जापः तो वाट चुकला म्हणटकच जाणटेल्याक आपल्या पांयांक पंदरा मणांचें वजें बांदिल्ले भशेन दिसपाक लागलें.
3. अखेरेक जाणटेल्याक कोण दिश्टी पडलो?
जापः जाणटेल्याक अखेरेक एक राखणो गोरवांक चरयतना दिश्टी पडलो.
4. जाणटेल्याक दिसा उजवाडे घरा कित्याक पावूंक जाय आसलें?
जापः जाणटेपण जाल्ल्यान घराकडलीं जाणटेल्याचो हुसको करतालीं म्हूण जाणटेल्याक दिसा उजवाडे घरा कित्याक पावूंक जाय आसलें.
आदारीत प्रस्नः
1. तरणाटया म्हऱ्यांत पावतकच जाणटेल्यान कितें पळयलें?
जापः कांय तरणाटे सांकवाचेर बशिल्ले तर कांय जाण उबे आशिल्ले. आदार मागपाक जाणटेलो तांचे म्हऱ्यांत गेलो आनी तोंड उगडटा म्हणसर एकल्यान आपल्या तोंडान एक – दोन – तीन आंकडे मेजले आनी दुसऱ्यान एक फातर काडून रस्त्याचे कुशीक आशिल्ल्या खांब्यावयल्या बल्बाचेर ठाऽ करून मारलो.
2. चुकिल्ली वाट ह्या पाठांतल्यान बरोवपी कितें सांगूंक सोदता?
जापः बरी देख, बरे संस्कार भुरग्यांक ल्हानपणासावन दिलेनात जाल्यार भुरगीं तवनास जातात. आमचें शिक्षणूय बरी देख दिवपी आसूंक जाय. आयची तरणाटी पिळगी जी चुकीचे वाटेन चलता तिका वेळरूच बऱ्या मार्गार हाडूंक जाय. जाणटयांविशीं आदर , मान बाळगूंक शिकोवन जाय. जाल्यारूच देशाचो फुडार बरो जातलो.