आदारीत प्रस्न

आदारीत प्रस्नः

1. एचआयव्ही हो रोगजंतू पळोवपाक कसल्या यंत्राचो वापर करचो पडटा ?
जापः  एचआयव्ही हो रोगजंतू पळोवपाक इलॅक्ट्रॉनीक मायक्रोस्कोप वा अतीसक्षीमदर्शक यंत्राचो वापर करचो पडटा.

2. एड्स हें दुयेंस चड करून खंयचे पिरायेच्या लोकां मदीं दिसता ?
जापः  एड्स हें दुयेंस चड करून अठरा ते पस्तास हे पिरायेच्या लोकां मदीं दिसता.

3. घुंवळी वखदां इंजेसावां वरवीं घेवप्यांक एड्स हें दुयेंस कशें जावं येता ?
जापः  घुंवळी वखदां इंजेसावां वरवीं घेवप्यांक दुशींत सुयो आनी दुशींत सिरिंगां हांकां लागून एड्स जावं येता.

4. एड्स जाल्ल्या मनशाची प्रतिकारशक्त कित्याक लागून उणी जाता ?
जापः  एचआयव्ही ह्या रोगजंतूक लागून रक्तांतल्यो धव्यो पेशी खूबशा प्रमाणांत उण्यो जाल्ल्यान एड्स जाल्ल्या मनशाची प्रतिकारशक्त उणी जाता.

आदारीत प्रस्नः

1. गोयांत रोगेल्ल्या रक्ताक लागून एड्स जावपाची भिरांत कित्यात उणी?
जापः  गोयांत सात रक्तपेडयो आसात. रगत दिवपाच्या वेळार तें तपासून एचअयव्ही दुशीत आसा काय ना तें तपासतात. रगत रोगेल्लें आसत जाल्यार तें दुसरयाक दिवपाक काडिनात.

2. दुशीत सुयो आनी दुशींत सिरिंगांक लागून एड्स जाल्ले वायटकार खंय सांपडटात ? कित्याक ?
जापः  दुशीत सुयो आनी दुशींत सिरिंगांक लागून एड्स जाल्ले वायटकार मणीपूर आनी मिझोरामांत सांपडटात. कित्याक तर थंय इंजेसांवांतल्यान घुंवळी वखदां घेवपी खुबशे तरणाटे मेळटात. म्यानमारांत ही घुंवळी वखदा चड प्रमाणांत तयार करतात आनी म्यानमारा हें मणीपूर राज्याक सामकें लागीं.