आ) सकयल दिल्ल्या दर एका प्रश्नाच्यो जापो एका – एका वाक्यांत बरयात.
1. एड्स हें दुयेस कसल्या रोगजंतू पसून जाता ?
जाप. एड्स हें दुयेस एच. आय. व्ही ह्या रोगजंतू पसून जाता.
2. एच. आय. व्ही व्हायरस कोणे आनी केन्ना सोदून काडलो ?
जाप. एच. आय. व्ही व्हायरस ‘मोंतेग्नेवर’ ह्या शास्त्रज्ञान 1983 वर्सा सोदून काडलो.
3. गोंयात कितल्यो रक्तपेडयो आसा ?
जाप. गोंयात सात रक्तपेडयो आसा.
4. एड्स दुयेंस जावचेंच न्हय म्हूण आमी कितें करूंक जाय ?
जाप. एड्स दुयेंसाची कारणा जाणून घेवन हें दुयेंस जावचें न्हय म्हूण आमी जतनाय घेवक जाय.
ई) सकयल दिल्ल्या दर एका प्रश्नाच्यो जापो चार – पांच वाक्यांत बरयात.
1. एड्स हें दुयेंस जिवघेणे दुयेंस अशें कित्याक म्हणला ?
जाप. एड्स मनशाचो जीव वाटावपाक कसलेंच वखद ना. ह्या दुयेंसाची लक्षणां पयली कळनात. पांच ते धा वर्सानी ह्या दुयेंसाचीं लक्षणां दिसून येतात. देखून हें दुयेंस जिवघेणे दुयेंस अशें म्हणला.
2. रकताच्यो धव्यो पेशी उण्यो जातकच ताचो परिणाम कितें जाता ?
जाप. रकताच्यो धव्यो पेशी उण्यो जातकच मनशांची दुयेंसा आड झगडपाची प्रतिकारशक्त उणी जाता. मागीर मनशांक टिबी अश्या जायत्या तरांची दुयेसां जातात.
3. एड्स दुयेंस वळखुपाची लक्षणां खंयची ?
जाप. एड्स दुयेंस जाल्या मनशांत पांच ते धा वर्सानी ह्या दुयेसाची लक्षणां दिसतात. एका म्हयन्या वयर आगांर जोर येवप, परतून परतून पातळ भायर जावप, परतून परतून खोंकली येवप, सगळ्यां आगांक गुठा येवप आनी वजन उणें जावप ही एड्स दुयेंसाची लक्षणां.
4. कसल्या कसल्या कारणांक लागून एड्स जायना ?
जाप. अशुध्द हवेक लागून, अशुध्द उदकाक लागून, दुशीत खाणां जेवणाक लागून हें दुयेंस जायना. तेच परी जळारांक लागूक, मुसांक लागून हें दुयेंस पातळना. एड्स जाल्या मनशाकडेन हात मेळयल्यार, उमो घेतल्यार, वागडां जेवल्यार लेगीत एड्स जायना.
व्याकरण
क) सकयल दिल्ले तकटो पुराय करात.
एकवचन भोंववचन
- शार
- सूय
- तरणाटो
- वखद
- राज्य
- मिरसांग
- म्हयनो
- कुडको
- वात
- कोलो
- कोंबी
जापो. एकवचन भोंववचन
- शार शारां
- सूय सुयो
- तरणाटो तरणाटे
- वखद वखदां
- राज्य राज्यां
- मिरसांग मिरसांगो
- म्हयनो म्हयने
- कुडको कुडके
- वात वाती
- कोलो कोले
- कोंबी कोंबयो
घरपाठ
मनीस, माड, राजा, वाग असले तरेंची भोववचनांत ना बदलपी उतरां सोदून बरयात.
जाप. देव, देवी, मार्ग, हात, पाय, वार.