आ) सकयल दिल्ल्या दरेका प्रश्नाची जाप 8 -9 उतरांनी बरयात.
1. कवीच्या भुरगेंपणात गोंयात एकवट आसलो हे कशें दिसून येता ?
जाप. कवीच्या भुरगेंपणात भुरगें एकाच आंगणात खेळटाले, एकांच फोडांत देवताले आनी चिकलांत लोळटाले. हाचेंवयल्यान हें दिसून येता की कवीच्या भुरगेंपणात गोंयात एकवट आसलो.
2. शंबर शंबर वर्सा पयली भुरग्यांनी न्हावपाची खेळपाची रीत कशी आसली ?
जाप. शंबर शंबर वर्सा पयली भुरगे सांगातान न्हयेंत न्हातालें, बुडटाले आनी सांगातान खेळटालें.
3. आवयच्या म्ह-यांत बसून भुरगें कितें करताले ?
जाप. आवयच्या म्ह-यांत बसून भुरगें ल्हानाचे व्हड जाताले.
इ) सकयल दिल्ल्या दरेका प्रश्नाची जाप 15 -20 उतरांनी बरयात.
1.शंबर शंबर वर्सा पयली आमी कितें करताले अशें कवी म्हणटा ?
जाप. शंबर शंबर वर्सा पयली आमी एकाच आंगणात खेळटालें, एकांच फोडांत देवन चिखलांत लोळटाले, एकांच आंगणात पुसताले आनी एकाच देवाक मानतालें.
2. शंबर शंबर वर्सा पयली आनी आय़ज हातूंत कवी कितें फरक दाखयता ?
जाप. पयले आमी सांगातान रावताले, एकच आवयचे होटित व्हड जाताले. एकांच देवाची पुजा करताले. पूण आयज आमी एकमेकापासत पयस पावल्यात एकामेकाच्या आवय – बापायक विसरल्यात आनी एकामेकाच्या देवाक लेगीत वळखतात.
आलायती म्हायती
संदर्भ – कोंकणी विश्वकोश ( खंड 1 )
1510 वर्सा पुर्तुगेजांनी गोंय प्रांत विजापुरचे आदिलशाही सत्तेकडल्यान जिखून घेतिल्लो. इसवी सनापयलीं दुस-या आनी तिस-या शतमानांत, अस्तंत भारताचो कोंकण प्रांत मौर्य़ राजवाटी खाला आशिल्लो. उपरांत गोंय प्रांत, कोंकण, दक्षिण उत्तर कन्नड प्रांताचेर राष्ट्रकूट शिलाहार, कदंब आनी चालुक्य वंशाची राजवट जावन गेली. पूण 1510 ते 1961 मेरेन साडे चारशीं वर्सां पुर्तुगेजांची राजवट गोंयचेर आशिल्ली. सुर्वेक बारदेस, मुरगांव, साश्ट म्हाल ह्या पोरण्या काबिजादींचेर तांचो शेक आशिल्लो. उपरांत सुमार तिनशीं वर्सांनी पेडणें, दिवचल, वाळपय, फोंडें, सांगें, केपें आनी काणकोण ह्यो नव्यो काबिजादी पुर्तुगेजांनी काबीज केल्यो. पुर्तुगेजांनी चलयिल्ल्या धर्मांतराक लागून तशेंच समाजीक, अर्थीक आनी सैमीक कारणांक लागून खुबशा गोंयकारांनी शेजारच्या प्रदेशांत स्थलांतर केल्लें. तातुतले कांय गोंयकार केरळ राज्यांत वचून स्थायीक जालें.