इ) सकयल दिल्या दरेका प्रश्नाची जाप एका वाक्यांत बरयात.
प्र1. पावसांत भुरग्यांक व्हाळ हुपून कित्याक वचचें पडटालें ?
जाप. पावसांत व्हाळ भरुन व्हांवतालो आनी व्हाळाचेर सांकव नाशिल्ल्या कारणाक भुरग्यांक व्हाळ हुपून वच्चें पडटालें.
प्र2. भुरगीं कलकल करीत भायर सरपाचें कारण कितें ?
जाप. शाळा सदचें परस बेगीन सुटली म्हूण भुरगीं उमेदीन कलकल करीत भायर सरलीं.
प्र3. बापायन खांदार धरिल्या कमलान उदक पळोवन कितें केलें ?
जाप. बापायन खांदार धरिल्या कमलान उदक पळोवन भिंरातीन किळांच मारली.
प्र4. अशें कितें घडिल्लें म्हूण भुरगीं बोबो आनी हुयेली मारूंक लागली ?
जाप. कमल व्हाळांत पडून उदकाच्या लोटा वागडां व्हांवून वताले म्हूण भुरगीं बोबो आनी हुयेली मारूंक लागली.
प्र5. कोणे शाबासकी दितकच मनूचो शीण व्हांवन गेलो ?
जाप. वर्गांत मनूक तापयिल्या मास्तरान शाबासकी दितकच मनूचो शीण व्हांवून गेलो.
ई) सकयल दिल्या दरेका प्रश्नाची जाप दोन – तीन वाक्यांत बरयात.
प्र1. मास्तरान शाळेची घाट पयलींच कित्याक मारपाक लायली ?
जाप. शाळेचे मदले सुटये वेळार शाळे भायर बरें वत पडिल्लें पूण उपरांत अचकीत पावसाच्या कुपांनी मळब भरलें. रोखडोच पावस पडटलो अशीं चिन्नां दिसूक लागली. पावसा पयली भुरगीं आप आपणाल्या घरा पावची अशें येवजून मास्तरान एका वरा पयलींच शाळेची घाट मारपाक लायली.
प्र2. हळू हळू करुन वतालो तो मनू धावपाक कित्याक लागलो ?
जाप. मास्तराच्या थोमण्यान मनून आपणाचेरुच राग काडिल्लो देखून पावसाचो हुसको करिनासतना. तो मंद पावलानी घराची वाट चलत आसतना कांय भुरग्यांचो बोवाळ आयकूंक आयलो. रोखडोच तांच्यो बोबो आनी हुयेल्यो ताच्या कानार पडल्यो. त्यो आयकून हळू हळू करुन वतालो तो मनू व्हाळार कितें घडला कांय हें पळोवपाक धावपाक लागलो.
प्र3. भुररग्यांचो जीव वाटावपाखातीर मनून कितें कितें केले ?
जाप. भुरगें व्हाळांतल्यान व्हावन वता ते पळोवन मनून खादां वयलो बोटवो कुशीक भिरकायलो आनी शाळेंच्या कपड्यांनी व्हाळांत लोटून दिलें. ताचें पांय मात मात तळाक तेंकताले पुणून तोल साबांळूक जायनासलें. व्हाळाच्या कडांक आपटव उदकां वागडां तो लोट्टालो, नाका – तोंडात रिगपी उदकाची ताणें पर्वा केलिना. व्हाळांतल्या गच्च कांटयाच्या झोपांचीय ताणें पर्वा करिनासतना हड्डें भर उदकांत भुरग्यांक वाचोवपाचो यत्न केलो.
प्र4. तें भुरगें कांटयारेक लागूक आडावन उरचें अशें मनूच्या मनांत कित्याक आयलें ?
जाप. व्हाळां माणकुलें भुरगें बरेंच नेटान पेल्ल कशें व्हांवत फुडें वतालें. मनू आनी ताचें भितर धायेक फुटाचें अतर आशिल्लें आनीक थोड्या अतंरार व्हाळाचें तोंड न्हयेक मेळटालें एक भुरगें न्हयेंत पावल्यार मागीर ताका धरपाची कसलीच आस्त धरुन उपेग नाशिल्लें. देखून ताका धरपाक मेळचें म्हणून ते भुरगें काटयाचेक लागून आडावन उरचें अशें मनून मनांत आयलें.